அடியார் பெருமை - இடங்கழி நாயனார்

 

அடியார் பெருமை

இடங்கழி நாயனார்

 

தகவல் பலகை	விவரம்
குலம்	வேளிர்
நாடு	கோநாடு
ஊர்	கொடும்பாளூர்
மாதம்	ஐப்பசி
குரு பூஜை நட்சத்திரம்	கார்த்திகை
பிற அடியாருடன்	விவரங்கள்  இல்லை
திருத்தொண்டு	தன்னுடைய நெல் களஞ்சியத்தை  சிவபூஜைக்கு வாரித் தந்தவர்.
இடம்பெற்ற திருமுறை	12.10

     இயற்கைவளமும், செயற்கைவளமும், தெய்வஅருளும் செறிந்து விளங்கிய கோனாட்டின் தலைநகரமே "கொடும்பாளூர்".  இந்நாட்டில், குறுநில மன்னர் குலத்தில், கனகசபையின் திருச்சடை மகுடத்தைப் பொன்னால் அலங்கரித்த, ஆதித்த சோழர்கள் வம்சத்தில், அவதரித்தார் இடங்கழி நாயனார்.

புத்தகம் பெற click செய்யவும் 

புகழும் பெருமையும் பெற்ற இம்மன்னர், விரிசடைஅணிந்த அண்ணலின் திருவடிகளை, அன்புடன் வணங்கி வந்தார். அவர், எழுந்தருளிய கோயில்களில்நடைபெறும், சிவாகம வழிபாடுகளுக்குத் தேவையான நெல்லையும், பொன்னையும் தாராளமாக வழங்கினார். ஆகமத்திற்குரிய சைவ நெறியையும், வேத தர்மத்தையும், காத்துவந்த இவரது காலத்தில் சைவம் பெரிதும் தழைத்து வளர்ந்தது.

சிவபெருமானுக்குத்திருத்தொண்டுகள் புரியும் அடியார்களுக்கு, எண்ணற்ற உதவிகள் செய்து, அவர்களைப் போற்றிக் கொண்டாடியவர் நாயனார். பல சிவனடியார்களின் பாலே, இவரும் திருவமுது அளித்து மகிழும், அருந்தவப் பணியை மேற்கொண்டு வாழ்ந்தார்.

ஒருநாள், சிவனடியார் செய்யும் திருப்பணிக்கு இடையூறு ஏற்பட்டது. அமுது அளிக்க நெல்போதாமை ஏற்பட்டு, விருந்தோம்பல் பாதிக்கப்பட்டது. இதனால் மனம் கலங்கிய நாயனார், இறுதியில் அரண்மனைக் களஞ்சியத்தில், நெல் இருப்பதை நினைத்தார். நள்ளிரவில் அரண்மனைக்குள் நுழைந்து, நெல்லைக் கவர முயன்றார்.

திருட்டில், அனுபவமில்லாததால், அவர் எளிதில் காவலர்களின் கண்ணில் பட்டார். கைது செய்து, இடங்கழியாரின் முன் நிறுத்தினர்.

“ஐயனே! சிவக்கோலம் தாங்கும் தேவரீர், இத்தகைய செயலுக்கு காரணம் என்ன?” என மன்னர் வேதனையோடு கேட்டார்.

அதற்கு நாயனார், “சோழப் பெருந்தகையே! சிவனடியார்களுக்கு திருவமுது செய்து வந்தேன். இன்று அந்தப் பணிக்கு இடையூறு ஏற்பட்டதால், களஞ்சிய நெல்லை எடுத்துச்செல்ல வேண்டிய நிர்ப்பந்தம் ஏற்பட்டது” என்று கூறினார்.

இதைக்கேட்ட சோழமன்னர், பரிவுபொங்க நெகிழ்ந்தார். அவரை விடுதலையாக்கி, பணிந்துவணங்கினார். தேவையான பொன்னும், பொருளும் வழங்கி அனுப்பினார். ஆனால் அதனால், மன்னரின் மனம் முழுமையாக நிறைவுபெறவில்லை.

அவர், “நாட்டிலுள்ள அனைத்து சிவனடியார்களும், அரண்மனைக் களஞ்சி யத்தில் உள்ள நெல்லும், பொன்னும், தமது தேவைக்கேற்ப எடுத்துச் செல்லலாம்” என்று நகரமெங்கும் அறிவிக்க உத்தரவிட்டார்.

இவ்வாறு, இடங்கழிநாயனார், சிவனடியார்களுக்கு பொன்னும், பொருளும், எடுத்துச்செல்ல மன்னனிடமே உத்தரவிடச் செய்தார். திருவெண்ணீற்றின் பெருமையைப் போற்றிய, இம்மன்னன், கொன்றை மலர் அணிந்த சங்கரனின் திருவடிகளில் பேரின்பம் பெற்றார்.